بتحب الامثال الشعبية اوى
بس امثال اخر موضة
*اللى بيته من إزاز ميغيرش هدومه فى الصالون
فاقد الشىء يدور عليه*
اقلب القدره على فومها الفول يقع منها*
تأتى الرياح محمله بالأتربة*
ياخبرالنهارده بفلوس بكره ينزل عليه أوكازيون*
اللى معاه قرش محيره يجيب حمام ويحمره*
اللى ياكل لوحده يشبع*
لاتبكى على اللبن فى البسكوت*
اقطع عرق و حته بتلو*
اطبخى ياجاريه الأنبوبه فاضيه يا سيدى*
لو حبيبك عسل ما تحطلوش طحينة*
اللى يتلسع من الشوربه يتصل بالمطافى*
وبكره ترجع ريما من عند خلتها فى مارينا*
ياداخل بين البصله وقشرتها حط قطرة علشان هادمع من ريحتها*
اصوم اصوم وافطر على المدفع*
القرش الأبيض بيعوم فى البحر الأحمر*
ضربوا الأعور على عينه قالهم كسرتوا النضاره*
اللى ميشفش من الغربال يكشف نظر*
المال السايب يعلم الطلبه*
نام وارتاح وكل عسل نحل التمساح*
من خرج من داره مينساش يأخد المفتاح معاه*
الباب اللى يجيجلك منه الريح شيله وركب قبنورى*
المضطر يركب التاكسى*
رب صدفة خير من ألف ليلة و ليلة*
اللى يخاف من العفريت يعمل عبيط*
اللى خدتوا الأرعه تخدو ام الخلول*
what اللى ميعرفش يقول*
أكل العيش يحب الطعميه*
lenses العين عليها*
أمثــــــال عربيــــات النقــــل
متبصليش بعين رضيه دنا طلع عينى فى السعوديه*
ربنا يحميكى من الميكانيكى*
الحلوة أسمها تفاحة للسفر والسياحة*
الحلوة من حلوان وصاحبها راجل غلبان*
الحلوة من دمياط وعليها أقساط*
قصه كفاح مش جايه على المرتاح*
متزمروش ياجماعة دا السواق نايم*
اجرى جري الوحوش اوتوبيس 710 ماتلحقوش*
طبعا الرساله من قبيل الدعابة وترويح القلوب
القاموس السياسى العربى
ارسلة لنا صديقنا صديقنا محمود الالفى
النظام الملكي : عند وفاة الملك ينتقل الحكم لابنه ليصبح هو الملك الجديد
النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد
السياسي المحنك : رجل يتسم بسعة الصدر عند المناقشة وسعة الكرش فيما عدا ذلك
الحرية للجميع : للشعب أن يقول ما يشاء و للحكومة أن تفعل ما تشاء
الدستور : كلمة تقال للحماية من الآسياد لما الواحد يدخل بيت مسكون دستور يا اسيادي .... العفو والسماح
الديموقراطية : نوع من الفنون الزخرفية يستخدم لتزويق صورة الحكومة
العولمة : عملية تحول اجتماعي وثقافي وفني تتزعمه فيفي عبده
الشفافية : سمة ضرورية للملابس المستخدمة في العولمة
النظام العالمي الجديد : ويندوز اكس بي
الجات : مصيبة وجات على دماغنا
التنوير : عملية تتم في الشوارع عندما يسكنها وزير
صندوق النقد : ما يفرقش كتير عن صندوق الزبالة
لخصخصة : تحدث في الحدائق يوم شم النسيم مع أكل الفسيخ
المبايعة : ورقة بتكتبها لما تبيع عربية قديمة
القانون : آلة تصدر أصوات جميلة لما تلعب فيها بصوابعك
حرية النشر : تمارسها النساء على السطوح في المناطق الشعبية
رأي المرأة : ستات مصر قالوا كلمتهم ؛ السمنتين نخلتهم
الدبلوماسية : أحسن هدية تصالح بيها مراتك بس بشرط الماس يكون حر
العمل السياسي : يمارسه كل من يعمل سايس في جراج
اليساري : شخص طيب يقود سيارته على الجانب الأيسر من الطريق ويشتم كل السواقين اللي جايين في وشه لأنهم عملاء الإمبريالية ويسيرون ضد الحتمية التاريخية
الصراع الطبقي : خناقة كل بيت على مين اللي حيغسل الأطباق النهاردة
الحرب الأهلية : حرب البنت مع أهلها عشان تتجوز الواد اللي هي عايزاه
حرب الشوارع : قيادة سيارة في شوارع القاهرة
حرب التحرير : معركة شهيرة يخوضها كل من يريد استخراج جواز سفر من مجمع التحرير
العمل الثوري : مذكر العمل البقري
عملية السلام : زي عملية اللوز بالضبط ، تنتهي برمي اللوز في الزبالة
الشريط الحدودي : الشريط الجاي لعمرو دياب
اليهود : شعب يعيش على الأساطير، يألفها في الأول ويصدقها بعد كده . يعني بالعربي أسهل شعب ممكن ينضحك عليه الله يرحم اللي انضحك عليهم مرتين
الوحدة العربية : أن تعاني كل دولة عربية الشعور
منقووووووووول
Posted at: 03:27 PM | Add Comment
